Fjölmyntakerfi

Ísland gæti tekið upp fjölmyntakerfi þar sem viðurkenndur lögeyrir hér á landi væri fleiri en ein mynt, t.d. króna, dollar, evra og norsk króna. Þar með fengi íslenska krónan samkeppni á heimavelli og fæli í sér að ríkisstjórn og Seðlabanka yrðu að halda vöxtum og gengi krónunnar í jafnvægi.

Í fjölmyntakerfi mætti gera kjarasamninga í viðurkenndum lögeyri og verðmerkingar skyldu vera í minnst tveim myntum.

Fjölmyntakerfi byði heim erlendum bönkum að starfa hér á landi og þar með yrði einhver vísir að heilbrigðri samkeppni á fjármálamarkaði.

Samanburður við Ísland nú af hinu góða

Samfylkingin: best að Brussel stjórni fiskveiðilandhelginni

Styrmir Gunnarsson var með Jóni Baldvini Hannibalssyni á fundi hjá Samfylkingunni um Evrópumál. Styrmir vekur athygli á nýrri línu samfylkingarfólks, sem er að virkja óánægju með kvótakerfið í þágu aðildar að Evrópusambandinu.

Svo virðist sem um samstillt átak Samfylkingarinnar sé að ræða. Guðmundur Andri Thorsson hugmyndafræðingur samfóista skrifar í fyrradag í Baugstíðindi

Það hefur verið stjórnmálamönnum rík freisting að draga upp einfalda mynd af andstæðum hagsmunum lítillar þjóðar og svo þjóðanna í kring. Samkvæmt þeirri hugmynd fara hagsmunir allra Íslendinga saman, alltaf; það séu "okkar" hagsmunir að íslenskir útgerðarmenn eigi og selji hver öðrum aflaheimildir (og feli arðinn í aflöndum) fremur en að þjóðin selji þessar heimildir hæstbjóðanda. En útgerðarmenn á Íslandi eru ekkert Íslendingar eða útlendingar. Þeir eru aflendingar.

Útgerðamenn á Íslandi eru sem sagt ekki Íslendingar heldur ,,aflendingar" og þar af leiðandi eru hagsmundir þeirra ekki hluti af íslenskum hagsmunum.

Skilaboð Samfylkingar eru þessi: látum Evrópusambandið um að stjórna fiskveiðilandhelginni og fáum í staðinn perlur, brennivín og Saga Class miða.

 

Steingrímur J. á bakvið tjöldin

Steingrímur J. Sigfússon formaður VG og allsherjarráðherra skrapp til Brussel fyrir viku og hitti þar mann og annan. Fátt sagði af fundum Steingríms nema að innan tíðar hæfust ,,alvöruviðræður" við Evrópusambandið um aðildarumsóknina.

Að kröfu Samfylkingar bolaði Steingrímur J. Jóni Bjarnasyni úr ráðherrastóli landbúnaðar- og sjávarútvegs. Össuri utanríkis þótti Jón standa of fast á íslenskum hagsmunum í viðræðum við ESB.

Eftir heimkomu frá Brusel var Steingrímur J. spurður hvaða áherslur hann hefði aðrar í Evrópumálum en Jón Bjarnason er fátt um svör.  Á alþingi svarar formaður VG og allsherjarráðherra með skætingi þegar hann er spurður um þessa stærsta álitamál seinni tíma stjórnmálasögu.

Steingrímur J.ætlar að véla með ESB-viðræðurnar á bakvið tjöldin. Síðast reyndi hann þá taktík með Icesave-samninginn. Sporin hræða.