Evrópsk samstaða og óöld evrunnar

Borgiði skattana ykkar, ég hef meiri áhyggjur af afrískum börnum en Grikkjum, sagði Christina Lagarde forstjóri Alþjóða gjaldeyrissjóðsins við Grikki. Lagarde er þartil nýlega fjármálaráðherra Frakka. Helsta dagblað Þýskalands segir orð Lagarde auka líkur á því að Grikkland yfirgefi evruland.

Í skjóli ódýrrar evru tóku Grikkir velferðarstökk án þess að lagfæra samfélagslegar undirstöður, svo sem skattalega siðvitund. Niðrí Afríku sveltur fólk á meðan Grikkir vilja áfram ódýrar evrur og skattaleysi með svindli.

Grikkir stóðu í þeirri trú að  evrópsk samstaða fæli í sér að grískur lífstíll yrði fjármagnaður með evrópsku skattfé. Evran stuðlaði að þeirri blekkingu með því að lán báru til skamms tíma sömu vexti í Aþenu og Berlín. En þegar lánveitendur áttuðu sig á því að Þjóðverjar ætluðu ekki að ábyrgjast grísk lán urðu þau snöggtum dýrari.

Þýskur blaðamaður heimsótti Aþenu nýlega og sagði kaffibollan þar jafn dýran og í Frankfurt. Ólíkt flökkusögum um óeðlilega Porche-eign Grikkja er dýr kaffidropinn staðfestur af amerískum ferðalöngum, sjá hér og hér.

Ályktunin sem má draga dæminu um kaffið er að Grikkir séu ekki samkeppnishæfir. Verðlag og laun eru um 30 prósent hærri en Grikkland stendur undir. Evran bjó til falska velmegun í Suður-Evrópu.

Skuldadagar evrunnar eru komnir. Bretar, sem aldrei létu sér til hugar koma að taka upp evru, standa vestan Ermasunds og gera hróp að heimskingjunum sem héldu að hægt væri að kippa lögmálum hagfræðinnar úr sambandi með ,,pólitískum vilja" Evrópusambandsins. Eina leiðin tilbaka er að taka upp myntir þjóðríkja á ný.

Evrópusambandið mun berjast um hæl og hnakka áður en evru-mistökin verða viðurkennd. Líklega verður Grikkland rekið úr samstarfinu og reynt að smíða ,,eldvegg" utan um afganginn af evrulandi. Sá eldveggur mun ekki halda nema með stóraukinni miðstýringu á efnahagskerfum þeirra 16 ríkja sem verða eftir í evrulandi. Og það er enginn pólitískur áhugi í Evrópu á meiri samruna.

Evrópsk samstaða er að molna.

Hertar innflytjendareglur ef evran hrynur

60% þjóðarinnar á móti meirihluta alþingis

Tæp 60 prósent þjóðarinnar vilja fá að greiða atkvæði um ESB-umsókn Íslands, samvkæmt könnun í Fréttablaðinu. Meirihluti alþingis hafnaði tillögu Vigdísar Hauksdóttur um að spyrja þjóðina í almennri atkvæðagreiðslu hvort halda ætti til streitu ESB-umsókninni.

Spurning Fréttablaðsins var þessi: Á að halda þjóðaratkvæðagreiðslu á næstunni til að ákveða hvort halda eigi aðildarviðræðum við Evrópusambandið áfram?

Spurningin í tillögu Vigdísar: Vilt þú að stjórnvöld dragi aðildarumsókn Íslands að Evrópusambandinu til baka?

Þegar meirihluti þjóðarinnar er á allt annarri skoðun en meirihluti alþingis í mikilsverðu máli er einboðið að við eigum að ganga til kosninga sem fyrst.

Skrifum undir á kjósendur.is til að leggja áherslu á þingkosningar.

 

Ólafur Ragnar er Ekki-Samfylkingin

Samfylkingin og sá hluti VG sem lítur á sig sem Samfó-hækju bjóða fram Þóru Arnórsdóttur til forseta. Þóra er ESB-sinni til margra ára og starfaði í samfylkingarkreðsum áður en hún gekk til liðs við ESB-RÚV.

Ólafur Ragnar, aftur á móti, er fulltrúi fullveldissinna sem telja forræði íslenskra mála best komið í höndum Íslendinga sjálfra.

Þeir sem vilja auka veg Samfylkingarinnar í íslensku samfélagi kjósa Þóru. Þeir sem telja Samfylkinguna sértrúarhóp með takmarkað erindi til þjóðarinnar kjósa Ólaf Ragnar.

Ólafur mælist með mest fylgi

Ögmundur lýgur fyrir Össur

Ögmundur Jónasson hafnaði tillögu Vigdísar Hauksdóttur um að leggja ESB-umsóknina í dóm þjóðarinnar með þeim rökum að spurningin væri ekki rétt orðuð og tímasetningin ekki heppileg. Rökþunginn er ekki sterkasta einkenni innanríkisráðherra.

Ögmundur sagði já 16. júlíl 2009 þegar þingsályktun Össuar um að sækja um aðild var samþykkt. Rök Ögmundar voru þau að þótt hann sjálfur vildi ekki aðild þá væru einhverjir í samfélaginu sem vildu það (les: Össur og Samfylkingin). Bandalag við Össur skipti meira máli en heilindi gagnvart kjósendum.

Ögmundur situr enn í lygabjörgum með Össuri. Síðasti vaðallinn hljómar svona: 

Hef ég í tæp þrjú ár talað fyrir því að samninganefnd okkar verði sett tímamörk með dagsetningu þjóðaratkvæðagreiðslu en stjórnarflokkarnir í samvinnu við stjórnarandstöðu á Alþingi kæmu sér saman um dagsetningu hennar.

Ögmundur er fyrst og fremst að kaupa tíma fyrir félaga Össur til að virkja ESB-áróðurinn og bera fé á mann og annan.

Síðast liðinn fimmtudag fékk Ögmundur tækifæri að bæta fyrir svikin 16. júlí 2009 og segja upp lygabandalaginu með Össuri.  Ögmundur afþakkaði og situr uppi með skömmina.

Evru-brandari Jóhönnu

Jóhanna Sig. getur verið laumufyndin. Forsætisráðherra segir

 að þetta sé hluti af aðildarviðræðum Íslands að ESB. Meðal þess sem verið sé að ræða er hvort ESB geti veitt Íslandi sérfræðiaðstoð til að flýta afnámi haftanna, sem sé eitt af brýnustu málum þjóðarinnar Þessu fylgi engin skilyrði af hálfu ESB.

Evrópusambandið rekur gjaldmiðil sem heitir evra. Gjaldmiðillinn sá er viðvarandi ógn við efnahagskerfi heimsins og skilur eftir sig sviðna jörð í jaðarríkum ESB.

Sérfræðiaðstoð frá snillingunum sem stjórna evrunni er hugmynd upp úr texta Pink Floyd um brjálæðingana sem yfirtóku hælið.

Það sem gerir Jóhönnu sérstaklega spaugilega er að hún fattar ekki sjálf brandarann.

Skoða leiðir um afnám hafta með ESB

Ísland sækir um aðild að evru-hruni

Bretar íhuga að hætta aðild að Evrópusambandinu, Svisslendingar eru grjótharðir andstæðingar aðildar, Norðmenn eru hættir að ræða aðild, Danir og Svíar prísa sig sæla að búa ekki við evru. Hvað gera Íslendingar andspænis yfirvofandi evru-hruni?

Jú, þeir sitja uppi með ríkisstjórn sem staðráðinn er í að ganga í Evrópusambandið og setja þjóðina, landið og miðin í hrærigraut efnahagslegrar kreppu og pólitískrar tilraunastarfsemi sem stendur yfir á meginlandi Evrópu.

Jóhönnustjórnin er tilræði við velferð lands og þjóðar til lengri og skemmri tíma.

Spyr um viðbragðáætlun stjórnvalda

Mörður gefur sér að þjóðin hafni ESB-umsókn

Mörður Árnason og aðrir þingmenn Samfylkingar tóku það sem gefið að þjóðin myndi hafna ESB-brölti Jóhönnustjórnarinnar. Þess vegna var allt lagt í sölunar að koma í veg fyrir aðkomu þjóðarinnar að ESB-umsókninni.

Mörður segir það stórsigur að koma í veg fyrir þjóðaratkæði um ESB-umsóknina.

Litlu verður Vöggur feginn.

ESB-viðræðurnar á fulla ferð

Alþingi svíkur þjóðina, 6000 vilja þingrof

Með því að meina þjóðinni að segja álit sitt á ESB-umsókninni gengur meirihluti alþingis í berhögg við lýðræðislegar grunnstoðir. Afstaða meirihlutans er því óskiljanlegri að á sama tíma og þjóðinni er meinað að segja skoðun sína á ESB-umsókninni er samþykkt að efna til þjóðaratkvæðis um krossapróf stjórnlagaráðs.

Á kjosendur.is hafa tæplega 6000 skrifað undir áskorun um að þing verði rofið og efnt til kosninga. Ekki er liðinn sólarhringur síðan áskorunin var sett á netið.

Þunginn á bakvið kröfuna um nýtt alþingi eykst til muna eftir að meirihluti alþingis sýndi þjóðinni fingurinn í morgun.

Kosning um viðræður óvanaleg

ESB-sinnar flýja þjóðina

ESB sinnar vilja ekki spyrja þjóðina álits um aðild að Evrópusambandinu. Naumur meirihluti, 34 þingmenn af 63, hafnar því að spyrja þjóðina saklausrar spurningar:

„Vilt þú að stjórnvöld dragi aðildarumsókn Íslands að Evrópusambandinu til baka?“

ESB-sinnar vita að þeir eru í minnihluta á Íslandi og eru á flótta undan þjóðinni.

Tillaga Vigdísar felld

Falskur Füle - áróðursstríð ESB tekur á sig mynd

Evrópusambandið fer gegn Íslandi í Icesave-málinu ,,að tryggja samfellda framkvæmd EES-samningsins," og er ekki fjandsamleg aðgerð, skrifar Stefan Füle stækkunarstjóri ESB í Morgunblaðinu í dag. Hótanir ESB vegna makrílveiða Íslendinga eru heldur ekki ekki fjandsamleg aðgerð heldur ,, eru hugsaðar sem almenn ráðstöfun - og því ekki gagnvart Íslandi einu."

Í fyrradag skrifaði sendiherra Þýskalands á Íslandi grein þar sem helstu einkenni utanríkisstefnu Þriðja ríkisins voru ítrekuð gagnvart Íslandi: Evrópusambandið áskilur sér íhlutunarrétt í innanríkismál Íslands.

Falsinu og fagurgalanum fylgja gjafir. Svona skrifar Füle

Evrópusambandið ætlar sér ekki að hrifsa til sín hluta sjálfsmyndar ykkar eða hefða heldur að koma til móts við þetta, svo allir njóti góðs af - vegna þess að Evrópa sameinast í fjölbreytileikanum. Um yfirstandandi umræðu á Íslandi um framtíð íslensku krónunnar má segja að aðild að ESB myndi leiða til inngöngu í myntbandalagið.

Með hjálp Össurar og þjóðhollu embættismanna utanríkisráðuneytisins er stækkunarstjórinn mataður á þeim upplýsingum að Íslendingar óttist sjálfsmynd sína annars vegar og hins vegar að þeir séu til sölu. Þess vegna sé sniðugt að bjóða evrur fyrir krónur. 

Grein stækkunarstjórans veitir innsýn í áherslur Evrópusambandins og sértrúarsöfnuðar ESB-sinna á Íslandi. Í fyrsta lagi eru fjandsamlegar aðgerðir í Icesave og makríldeilunni útskýrðar með vísun í almennar reglur þótt engum slíkum reglum sé til að dreifa. Í öðru lagi býður Brussel mútufé Íslendingum ef þeir aðeins fallast á að flytja fullveldið og forræði eigin mála til Evrópusambandsins.

 

ESB vill skoða gjaldeyrishöftin